Subscribe to our newsletter and get our newest updates

Zaheer Rahmati

  • Ghazal


barguzida hain hawaon ke asar se hum bhi


barguzīda haiñ havāoñ ke asar se ham bhī
dekhte haiñ tujhe duniyā kī nazar se ham bhī

apne raste meñ baḌe log the raftār-shikan
aur kuchh der meñ nikle zarā ghar se ham bhī

raat us ne bhī kisī lamhe ko mahsūs kiyā
lauT aa.e kisī be-vaqt safar se ham bhī

sab ko hairat-zada kartī hai yahāñ be-ḳhabarī
chauñk paḌte the yuuñ hī pahle ḳhabar se ham bhī

zard chehre ko baḌe shauq se sab dekhte haiñ
TūTne vaale haiñ sarsabz shajar se ham bhī

kaun sā ġhair ḳhudā jaane yahāñ hai aisā
burqa oḌhe hue aa.e the idhar se ham bhī

barguzida hain hawaon ke asar se hum bhi
dekhte hain tujhe duniya ki nazar se hum bhi

apne raste mein baDe log the raftar-shikan
aur kuchh der mein nikle zara ghar se hum bhi

raat us ne bhi kisi lamhe ko mahsus kiya
lauT aae kisi be-waqt safar se hum bhi

sab ko hairat-zada karti hai yahan be-KHabari
chaunk paDte the yun hi pahle KHabar se hum bhi

zard chehre ko baDe shauq se sab dekhte hain
TuTne wale hain sarsabz shajar se hum bhi

kaun sa ghair KHuda jaane yahan hai aisa
burqa oDhe hue aae the idhar se hum bhi


Leave a comment

+