Subscribe to our newsletter and get our newest updates

Tanweer Gauhar

  • Ghazal


raste mein aa rahe hain jo nadi nale na dekh


rāste meñ aa rahe haiñ jo nadī naale na dekh
manziloñ kī chaah hai to paañv ke chhāle na dekh

rāh-e-haq par gāmzan rah aur haq kī baat kar
kyā sitam Dhā.eñge tujh par ye sitam vaale na dekh

himmat-e-mardāñ agar qaa.em hai to phir fikr kyā
zulm ke sar ko kuchal de haq ke matvāle na dekh

mere bhaa.ī aadmī kī ādamiyat ko parakh
muflis-o-nādār yā phir māl-o-zar vaale na dekh

husn-e-bātin husn-e-zāhir se baḌī shai hai na bhuul
rañg haiñ donoñ ḳhudā ke gore aur kaale na dekh

ye hai tārīḳhī imārat is kī azmat ko salām
gard ālūda imārat meñ lage jaale na dekh

khul jā sim-sim khul jā sim-sim kab talak chillā.egā
tū alī-bābā nahīñ hai toḌ de taale na dekh

raste mein aa rahe hain jo nadi nale na dekh
manzilon ki chah hai to panw ke chhaale na dekh

rah-e-haq par gamzan rah aur haq ki baat kar
kya sitam Dhaenge tujh par ye sitam wale na dekh

himmat-e-mardan agar qaem hai to phir fikr kya
zulm ke sar ko kuchal de haq ke matwale na dekh

mere bhai aadmi ki aadamiyat ko parakh
muflis-o-nadar ya phir mal-o-zar wale na dekh

husn-e-baatin husn-e-zahir se baDi shai hai na bhul
rang hain donon KHuda ke gore aur kale na dekh

ye hai tariKHi imarat is ki azmat ko salam
gard aaluda imarat mein lage jale na dekh

khul ja sim-sim khul ja sim-sim kab talak chillaega
tu ali-baba nahin hai toD de tale na dekh


Source: Sulagti barf

Leave a comment

+