Subscribe to our newsletter and get our newest updates

Tanvir Dehlvi

  • Ghazal


rahi taraf-e-mulk-e-adam hoi chuka tha


raahī taraf-e-mulk-e-adam hoī chukā thā
tū aa gayā maiñ varna sanam hoī chukā thā

biThlātī nazākat na ise gar dam-e-raftār
pāmāl ye dil zer-e-qadam hoī chukā thā

sargarm-e-suḳhan mujh se jo vo aa ke na hotā
ThanDā maiñ tah-e-teġh-e-sitam hoī chukā thā

dekhā but-e-nau-ḳhat ne jo mujh ko to kiyā chaak
naama to raqīboñ ko raqam hoī chukā thā

vo jiit ga.e pāñsa-e-taqdīr se 'tanvīr'
paas un ke to ek ek diram hoī chukā thā

rahi taraf-e-mulk-e-adam hoi chuka tha
tu aa gaya main warna sanam hoi chuka tha

biThlati nazakat na ise gar dam-e-raftar
pamal ye dil zer-e-qadam hoi chuka tha

sargarm-e-suKHan mujh se jo wo aa ke na hota
ThanDa main tah-e-tegh-e-sitam hoi chuka tha

dekha but-e-nau-KHat ne jo mujh ko to kiya chaak
nama to raqibon ko raqam hoi chuka tha

wo jit gae pansa-e-taqdir se 'tanwir'
pas un ke to ek ek diram hoi chuka tha


Source: Intikhab-e-Sukhan,Volume-001

Leave a comment

+