Subscribe to our newsletter and get our newest updates

Hakeem Aagha Jan Aish

  • Ghazal


aap ke ishq mein humse to zamana chhuTa


aap ke ishq meñ ham se to zamāna chhūTā
tum se afsos na ik ġhair kā milnā chhūTā

be-hijābāna the baiThe hue aġhyār ke paas
dekhte hī mujhe dālān kā parda chhūTā

riñd to riñd ajī zāhid-o-vā.iz se bhī to
dekhte hī use tasbīh-o-musalllā chhūTā

havas-e-dil meñ ḳhudā jaane ki kyā lazzat hai
ki jo lab se na kabhī harf-e-tamannā chhūTā

tāñk-jhāñk aap kī vaisī hī buḌhāpe meñ bhī hai
'aish' būḌhe bhī hue par vo na lapkā chhūTā

aap ke ishq mein hum se to zamana chhuTa
tum se afsos na ek ghair ka milna chhuTa

be-hijabana the baiThe hue aghyar ke pas
dekhte hi mujhe dalan ka parda chhuTa

rind to rind aji zahid-o-waiz se bhi to
dekhte hi use tasbih-o-musallla chhuTa

hawas-e-dil mein KHuda jaane ki kya lazzat hai
ki jo lab se na kabhi harf-e-tamanna chhuTa

tank-jhank aap ki waisi hi buDhape mein bhi hai
'aish' buDhe bhi hue par wo na lapka chhuTa


Leave a comment

+