Warning: session_start(): open(/tmp/sess_2odvn779mji0ean730i743e362, O_RDWR) failed: No space left on device (28) in /razi/eraazi/darbari/chunmun/index.php on line 15
ibtida-e-ishq hai lutf-e-shabab aane ko hai

Subscribe to our newsletter and get our newest updates

Fani Badayuni

  • Ghazal


ibtida-e-ishq hai lutf-e-shabab aane ko hai


ibtidā-e-ishq hai lutf-e-shabāb aane ko hai
sabr ruḳhsat ho rahā hai iztirāb aane ko hai

qabr par kis shaan se vo be-naqāb aane ko hai
āftāb-e-sub.h-e-mahshar ham-rikāb aane ko hai

mujh tak us mahfil meñ phir jām-e-sharāb aane ko hai
umr-e-rafta palTī aatī hai shabāb aane ko hai

haa.e kaisī kashmakash hai yaas bhī hai aas bhī
dam nikal jaane ko hai ḳhat kā javāb aane ko hai

ḳhat ke purze nāma-bar kī laash ke hamrāh haiñ
kis DhiTā.ī se mire ḳhat kā javāb aane ko hai

nā-umīdī maut se kahtī hai apnā kaam kar
aas kahtī hai Thahar ḳhat kā javāb aane ko hai

ruuh ghabrā.ī huī phirtī hai merī laash par
kyā janāze par mere ḳhat kā javāb aane ko hai

bhar ke saaqī jām-e-mai ik aur lā aur jald lā
un nashīlī añkhḌiyoñ meñ phir hijāb aane ko hai

ḳhāna-e-tasvīr meñ aane ko hai tasvīr-e-yār
aa.ine meñ qadd-e-āmdam āftāb aane ko hai

phir hinā.ī hone vaale haiñ mire qātil ke haath
phir zabān-e-teġh par rañg-e-shahāb aane ko hai

gudgudātā hai tasavvur chuTkiyāñ letā hai dard
kyā kisī be-ḳhvāb kī āñkhoñ meñ ḳhvāb aane ko hai

dekhiye maut aa.e 'fānī' yā koī fitna uThe
mere qaabū meñ dil-e-be-sabr-o-tāb aane ko hai

ibtida-e-ishq hai lutf-e-shabab aane ko hai
sabr ruKHsat ho raha hai iztirab aane ko hai

qabr par kis shan se wo be-naqab aane ko hai
aaftab-e-subh-e-mahshar ham-rikab aane ko hai

mujh tak us mahfil mein phir jam-e-sharab aane ko hai
umr-e-rafta palTi aati hai shabab aane ko hai

hae kaisi kashmakash hai yas bhi hai aas bhi
dam nikal jaane ko hai KHat ka jawab aane ko hai

KHat ke purze nama-bar ki lash ke hamrah hain
kis DhiTai se mere KHat ka jawab aane ko hai

na-umidi maut se kahti hai apna kaam kar
aas kahti hai Thahar KHat ka jawab aane ko hai

ruh ghabrai hui phirti hai meri lash par
kya janaze par mere KHat ka jawab aane ko hai

bhar ke saqi jam-e-mai ek aur la aur jald la
un nashili ankhDiyon mein phir hijab aane ko hai

KHana-e-taswir mein aane ko hai taswir-e-yar
aaine mein qadd-e-amdam aaftab aane ko hai

phir hinai hone wale hain mere qatil ke hath
phir zaban-e-tegh par rang-e-shahab aane ko hai

gudgudata hai tasawwur chuTkiyan leta hai dard
kya kisi be-KHwab ki aankhon mein KHwab aane ko hai

dekhiye maut aae 'fani' ya koi fitna uThe
mere qabu mein dil-e-be-sabr-o-tab aane ko hai


Leave a comment

+