Subscribe to our newsletter and get our newest updates

Hajra Noor Zaryab

  • Ghazal


main nindon ka bahana chahti hun


maiñ nīñdoñ kā bahāna chāhtī huuñ
tire ḳhvāboñ meñ aanā chāhtī huuñ

jise sun kar tū sab kuchh bhuul jaa.e
ġhazal vo gungunānā chāhtī huuñ

na.e lahje meñ tere hai banāvaT
tirā lahja purānā chāhtī huuñ

tirā milnā bahut mushkil hai lekin
maiñ qismat āzmānā chāhtī huuñ

tū hī jaane irāda terā 'zaryāb'
magar maiñ tujh ko paanā chāhtī huuñ

main nindon ka bahana chahti hun
tere KHwabon mein aana chahti hun

jise sun kar tu sab kuchh bhul jae
ghazal wo gungunana chahti hun

nae lahje mein tere hai banawaT
tera lahja purana chahti hun

tera milna bahut mushkil hai lekin
main qismat aazmana chahti hun

tu hi jaane irada tera 'zaryab'
magar main tujh ko pana chahti hun


Leave a comment

+