Warning: session_start(): open(/tmp/sess_fh7a870es58njuh1rs7gdkemc4, O_RDWR) failed: No space left on device (28) in /razi/eraazi/darbari/chunmun/index.php on line 15
laraz jata hai thoDi der ko tar-e-nafas mera

Subscribe to our newsletter and get our newest updates

Ghulam Husain Sajid

  • Ghazal


laraz jata hai thoDi der ko tar-e-nafas mera


laraz jaatā hai thoḌī der ko tār-e-nafas merā
sar-e-maidāñ kabhī jab jast kartā hai faras merā

maiñ ḳhud se duur ho jaatā huuñ us se duur hone par
rihā.ī chāhtā huuñ aur muqaddar hai qafas merā

zarā mushkil se ab pahchāntā huuñ in manāzir ko
qayām us ḳhāk-dāñ par thā abhī pichhle baras merā

duā kartā huuñ milne kī tamannā kar nahīñ paatā
bhalā kyā sāmnā kar pā.eñge ahl-e-havas merā

nahīñ bhūlegī merī dāstān-e-ishq-e-duniyā ko
ki sahrā meñ abhī tak naam letī hai jaras merā

numūd-e-aks kī is ko zamānat kaun de 'sājid'
nahīñ hai jab shaguft-e-ā.īna par koī bas merā

laraz jata hai thoDi der ko tar-e-nafas mera
sar-e-maidan kabhi jab jast karta hai faras mera

main KHud se dur ho jata hun us se dur hone par
rihai chahta hun aur muqaddar hai qafas mera

zara mushkil se ab pahchanta hun in manazir ko
qayam us KHak-dan par tha abhi pichhle baras mera

dua karta hun milne ki tamanna kar nahin pata
bhala kya samna kar paenge ahl-e-hawas mera

nahin bhulegi meri dastan-e-ishq-e-duniya ko
ki sahra mein abhi tak nam leti hai jaras mera

numud-e-aks ki is ko zamanat kaun de 'sajid'
nahin hai jab shaguft-e-aina par koi bas mera


Source: Book : Shabkhoon (Urdu Monthly) (Pg. 1464) Author : Shamsur Rahman Faruqi Publication : Shabkhoon Po. Box No.13, 313 rani Mandi Allahabad (June December 2005áIssue No. 293 To 299âPart II) Edition : June December 2005áIssue No. 293 To 299âPart II

Leave a comment

+