Subscribe to our newsletter and get our newest updates

Mahshar Kazim Husain Lakhnavi

  • Ghazal


der tak uTh na saka wan se wo diwana-e-dost


der tak uTh na sakā vaañ se vo dīvāna-e-dost
chhiḌ gayā jab ki kahīñ baiTh ke afsāna-e-dost

aaj uThe jaate haiñ darbāñ kī jafā se lekin
zindagī bhar kahīñ chhuTtā hai dar-e-ḳhāna-e-dost

hijr meñ hālat-e-dil kī haiñ vo āñkheñ nigarāñ
dekhī thī jin se kabhī raunaq-e-kāshāna-e-dost

rāhbar shauq-e-dilī sar pe ajal dil betāb
be-ḳhabar yuuñ maiñ chalā huuñ taraf-e-ḳhāna-e-dost

aaj kyuuñ had se sivā dil ko ḳhushī hai 'mahshar'
kyā bulā.e hue jaate ho sū-e-ḳhāna-e-dost

der tak uTh na saka wan se wo diwana-e-dost
chhiD gaya jab ki kahin baiTh ke afsana-e-dost

aaj uThe jate hain darban ki jafa se lekin
zindagi bhar kahin chhuTta hai dar-e-KHana-e-dost

hijr mein haalat-e-dil ki hain wo aankhen nigaran
dekhi thi jin se kabhi raunaq-e-kashana-e-dost

rahbar shauq-e-dili sar pe ajal dil betab
be-KHabar yun main chala hun taraf-e-KHana-e-dost

aaj kyun had se siwa dil ko KHushi hai 'mahshar'
kya bulae hue jate ho su-e-KHana-e-dost


Source: Book : Noquush (Pg. B-304 E-320) Publication : Nuqoosh Press Lahore (May June 1954) Edition : May June 1954

Leave a comment

+