Subscribe to our newsletter and get our newest updates

Haidar Ali Aatish

  • Ghazal


tasawwur se kisi ke maine ki hai guftugu barson


tasavvur se kisī ke maiñ ne kī hai guftugū barsoñ
rahī hai ek tasvīr-e-ḳhyālī rū-ba-rū barsoñ

huā mehmān aa kar raat bhar vo sham.a-rū barsoñ
rahā raushan mire ghar kā charāġh-e-ārzū barsoñ

barābar jaan ke rakkhā hai us ko marte marte tak
hamārī qabr par royā karegī aarzū barsoñ

chaman meñ jā ke bhūle se maiñ ḳhasta-dil karāhā thā
kiyā kī gul se bulbul shikva-e-dard-e-gulū barsoñ

agar maiñ ḳhaak bhī hūñgā to 'ātish' gard-bād-āsā
rakhegī mujh ko sar-gashta kisī kī justujū barsoñ

tasawwur se kisi ke main ne ki hai guftugu barson
rahi hai ek taswir-e-KHyali ru-ba-ru barson

hua mehman aa kar raat bhar wo shama-ru barson
raha raushan mere ghar ka charagh-e-arzu barson

barabar jaan ke rakkha hai us ko marte marte tak
hamari qabr par roya karegi aarzu barson

chaman mein ja ke bhule se main KHasta-dil karaha tha
kiya ki gul se bulbul shikwa-e-dard-e-gulu barson

agar main KHak bhi hunga to 'atish' gard-baad-asa
rakhegi mujh ko sar-gashta kisi ki justuju barson


Leave a comment

+