Subscribe to our newsletter and get our newest updates

Lubna Safdar

  • Ghazal


dil pe jazbon ka raj hai sahab


dil pe jazboñ kā raaj hai sāhab
ishq apnā mizāj hai sāhab

dasht kī ret hai bahut pyāsī
ābloñ kā ḳhirāj hai sāhab

pās-e-hurmat nahīñ hai lafzoñ kī
kaisā vahshī samāj hai sāhab

aap ko bhuul hī nahīñ paatī
merā koī ilaaj hai sāhab

saañs bhī Thiik se nahīñ aatā
nafratoñ kā rivāj hai sāhab

kuchh bhī badlā nahīñ hai duniyā meñ
jo bhī kal thā vo aaj hai sāhab

merā hissa nahīñ muqaddar meñ
ye mirā ehtijāj hai sāhab

dil pe jazbon ka raj hai sahab
ishq apna mizaj hai sahab

dasht ki ret hai bahut pyasi
aablon ka KHiraj hai sahab

pas-e-hurmat nahin hai lafzon ki
kaisa wahshi samaj hai sahab

aap ko bhul hi nahin pati
mera koi ilaj hai sahab

sans bhi Thik se nahin aata
nafraton ka riwaj hai sahab

kuchh bhi badla nahin hai duniya mein
jo bhi kal tha wo aaj hai sahab

mera hissa nahin muqaddar mein
ye mera ehtijaj hai sahab


Leave a comment

+