Subscribe to our newsletter and get our newest updates

Tanha Timmapuri

  • Ghazal


jalna ho to mujhse jal


jalnā ho to mujh se jal
aa mere paikar meñ Dhal

shāyad TuuTā patta huuñ
mujh se rūThā hai jañgal

maiñ patthar Dhalvānoñ kā
luḌhkūñ to nīche daldal

kis kī pyaas bujhā.egā
sūkhe dariyā kā ye nal

dhuup kisī bhī ghar jaa.e
mere āñgan meñ pīpal

mere ḳhvāboñ kā sūraj
merī nazroñ se ojhal

aag lagī hai tan-man meñ
ab to aise ghar se nikal

jalna ho to mujh se jal
aa mere paikar mein Dhal

shayad TuTa patta hun
mujh se ruTha hai jangal

main patthar Dhalwanon ka
luDhkun to niche daldal

kis ki pyas bujhaega
sukhe dariya ka ye nal

dhup kisi bhi ghar jae
mere aangan mein pipal

mere KHwabon ka suraj
meri nazron se ojhal

aag lagi hai tan-man mein
ab to aise ghar se nikal


Source: Rooh-e-Ghazal,Pachas Sala Intekhab

Leave a comment

+