ḳhushbū tire lahje kī mire fan meñ basī hai
ash.ār haiñ mere tirī āvāz ke saa.e

daadī kī kahānī ko taraste haiñ ye bachche
āñkhoñ meñ nahīñ duur talak niiñd ke saa.e

jab jism par ye jaan ho ik qarz kī sūrat
allāh kisī dushman ko bhī ye din na dikhā.e

phir taaza havāoñ kī pahuñch ruuh talak ho
phir pyaar ke mausam kī ghaTā lauT ke aa.e

ḳhat likkhūñ tumheñ yaad karūñ Thiik hai lekin
kyā Thiik mire dil ko qarār aa.e na aa.e

KHushbu tere lahje ki mere fan mein basi hai
ashaar hain mere teri aawaz ke sae

dadi ki kahani ko taraste hain ye bachche
aankhon mein nahin dur talak nind ke sae

jab jism par ye jaan ho ek qarz ki surat
allah kisi dushman ko bhi ye din na dikhae

phir taza hawaon ki pahunch ruh talak ho
phir pyar ke mausam ki ghaTa lauT ke aae

KHat likkhun tumhein yaad karun Thik hai lekin
kya Thik mere dil ko qarar aae na aae

Source: Book : Aawaz Ke Saye (Poetry) (Pg. 95) Author : Obaidur Rahman Publication : Sehla Obaid (2001) Edition : 2001