Subscribe to our newsletter and get our newest updates

Aashufta Changezi

  • Ghazal


badan bhigenge barsaten rahengi


badan bhīgeñge barsāteñ raheñgī
abhī kuchh din ye sauġhāteñ raheñgī

taḌap baaqī rahegī jhuuT hai ye
mileñge ham mulāqāteñ raheñgī

nazar meñ chehra koī aur hogā
gale meñ jhūltī bāñheñ raheñgī

safar meñ biit jaanā hai dinoñ ko
musalsal jāgtī rāteñ raheñgī

zabāneñ nutq se mahrūm hoñgī
sahīfoñ meñ munājāteñ raheñgī

manāzir dhund meñ chhup jā.eñge sab
ḳhalā meñ ghūrtī āñkheñ raheñgī

kahāñ tak saath deñge shahr vaale
kahāñ tak qaid āvāzeñ raheñgī

badan bhigenge barsaten rahengi
abhi kuchh din ye saughaten rahengi

taDap baqi rahegi jhuT hai ye
milenge hum mulaqaten rahengi

nazar mein chehra koi aur hoga
gale mein jhulti banhen rahengi

safar mein bit jaana hai dinon ko
musalsal jagti raaten rahengi

zabanen nutq se mahrum hongi
sahifon mein munajaten rahengi

manazir dhund mein chhup jaenge sab
KHala mein ghurti aankhen rahengi

kahan tak sath denge shahr wale
kahan tak qaid aawazen rahengi


Leave a comment

+