Subscribe to our newsletter and get our newest updates

Zafar Ghauri

  • Ghazal


tera yaqin hun main kab se is guman mein tha


tirā yaqīn huuñ maiñ kab se is gumān meñ thā
maiñ zindagī ke baḌe saḳht imtihān meñ thā

shajar shajar mirī aamad kā muntazir mausam
maiñ barg-e-gul sā havāoñ kī ik uḌaan meñ thā

paTak ke toḌ diyā jis ne nīsha-e-jāñ ko
meñ jū-e-shīr sā pinhāñ usī chaTān meñ thā

añdherī raat meñ samt-e-sadā pe chhoḌ diyā
havas kā tiir jo us jism kī kamān meñ thā

uThā sakā na maiñ dast-e-tahī se patthar bhī
matā-e-ġhair sā vo kāñch kī dūkān meñ thā

ye daur-e-ilm-o-hunar is ko paḌh nahīñ paayā
sahīfa dil kā mirā jaane kis zabān meñ thā

tera yaqin hun main kab se is guman mein tha
main zindagi ke baDe saKHt imtihan mein tha

shajar shajar meri aamad ka muntazir mausam
main barg-e-gul sa hawaon ki ek uDan mein tha

paTak ke toD diya jis ne nisha-e-jaan ko
mein ju-e-shir sa pinhan usi chaTan mein tha

andheri raat mein samt-e-sada pe chhoD diya
hawas ka tir jo us jism ki kaman mein tha

uTha saka na main dast-e-tahi se patthar bhi
mata-e-ghair sa wo kanch ki dukan mein tha

ye daur-e-ilm-o-hunar is ko paDh nahin paya
sahifa dil ka mera jaane kis zaban mein tha


Leave a comment

+