Subscribe to our newsletter and get our newest updates

Hafeez Shahid

  • Ghazal


hamein ahl-e-zamana DhunDte hain


hameñ ahl-e-zamāna DhūñDte haiñ
koī taaza nishāna DhūñDte haiñ

abhī tak ham koī unvān-e-tāza
sar-e-shahr-e-fasāna DhūñDte haiñ

hamārī hī tarah uTh kar savere
parinde āb-o-dāna DhūñDte haiñ

zamīñ ab ho ga.ī maskan purānā
nayā koī Thikāna DhūñDte haiñ

charāġh-e-ḳhūn-e-dil ham to jalā kar
mazāmīñ kā ḳhazāna DhūñDte haiñ

musalmāñ ho ke bhī ham gul-ruḳhoñ meñ
adā.eñ kāfirāna DhūñDte haiñ

abhī kuchh log aise haiñ jo 'shāhid'
vahī pahlā zamāna DhūñDte haiñ

hamein ahl-e-zamana DhunDte hain
koi taza nishana DhunDte hain

abhi tak hum koi unwan-e-taza
sar-e-shahr-e-fasana DhunDte hain

hamari hi tarah uTh kar sawere
parinde aab-o-dana DhunDte hain

zamin ab ho gai maskan purana
naya koi Thikana DhunDte hain

charagh-e-KHun-e-dil hum to jala kar
mazamin ka KHazana DhunDte hain

musalman ho ke bhi hum gul-ruKHon mein
adaen kafirana DhunDte hain

abhi kuchh log aise hain jo 'shahid'
wahi pahla zamana DhunDte hain


Leave a comment

+