Subscribe to our newsletter and get our newest updates

Dinesh Thakur

  • Ghazal


sabr ke dariya mein jab aa jaega


sabr ke dariyā meñ jab aa jā.egā
dil ġhamoñ se ḳhud ubhartā jā.egā

ham hue barbād gar to dekhnā
kuchh sabab tum se bhī pūchhā jā.egā

hashr ke din bhī hamārī ruuh ko
aap ke kūche meñ DhūñDā jā.egā

toḌ degā sab hadoñ ko ek din
bahte paanī ko jo rokā jā.egā

aaj ke pal kyuuñ bigāḌeñ fikr meñ
kal jo hogā kal hī sochā jā.egā

sabr ke dariya mein jab aa jaega
dil ghamon se KHud ubharta jaega

hum hue barbaad gar to dekhna
kuchh sabab tum se bhi puchha jaega

hashr ke din bhi hamari ruh ko
aap ke kuche mein DhunDa jaega

toD dega sab hadon ko ek din
bahte pani ko jo roka jaega

aaj ke pal kyun bigaDen fikr mein
kal jo hoga kal hi socha jaega


Leave a comment

+