shauq detā hai mujhe paiġhām-e-ishq
haath meñ labrez le kar jām-e-ishq

aap huuñ zauq-e-asīrī se ḳharāb
koī le jaa.e mujhe tā dām-e-ishq

ishtiyāq-e-sajdā se betāb huuñ
ai harīm-e-kāba-e-islām-e-ishq

qais o vāmiq se kahāñ ab ahl-e-dil
thā inhīñ logoñ se raushan nām-e-ishq

naash par farhād ke shīrīñ ga.ī
vo sitam-parvarda-e-ālām-e-ishq

aur yuuñ karne lagī ro kar ḳhitāb
ai vafā kī jaan ai nākām-e-ishq

tujh se raunaq-āshnā hai sub.h-e-shauq
tujh se zīnat-āfrīñ hai shām-e-ishq

jaan de kar tū to chhūTā ranj se
rah ga.ī maiñ hī balā āshām-e-ishq

terā marnā ishq kā āġhāz thā
maut par hogā mire anjām-e-ishq

'vahshat'-e-vahshī ki thā sab se alag
ho gayā kyā be-takalluf rām-e-ishq

shauq deta hai mujhe paigham-e-ishq
hath mein labrez le kar jam-e-ishq

aap hun zauq-e-asiri se KHarab
koi le jae mujhe ta dam-e-ishq

ishtiyaq-e-sajda se betab hun
ai harim-e-kaba-e-islam-e-ishq

qais o wamiq se kahan ab ahl-e-dil
tha inhin logon se raushan nam-e-ishq

nash par farhad ke shirin gai
wo sitam-parwarda-e-alam-e-ishq

aur yun karne lagi ro kar KHitab
ai wafa ki jaan ai nakaam-e-ishq

tujh se raunaq-ashna hai subh-e-shauq
tujh se zinat-afrin hai sham-e-ishq

jaan de kar tu to chhuTa ranj se
rah gai main hi bala aasham-e-ishq

tera marna ishq ka aaghaz tha
maut par hoga mere anjam-e-ishq

'wahshat'-e-wahshi ki tha sab se alag
ho gaya kya be-takalluf ram-e-ishq