Subscribe to our newsletter and get our newest updates

Maaham Shah

  • Ghazal


dil ke zaKHmon ka kuchh kya na karo


dil ke zaḳhmoñ kā kuchh kyā na karo
chaak ho jaa.e to siyā na karo

ḳhvāb hote haiñ dekhne ke liye
un meñ jā ke sanam jiyā na karo

jise tum chhoḌ aa.e ho vo shahr
use ab yaad tum kiyā na karo

raah meñ chhoḌ kar chalā jo gayā
naam us shaḳhs kā liyā na karo

baḌe ādāb haiñ mushā.ere ke
kabhī vaqt-e-suḳhan piyā na karo

itnā kam-zarf vo nahīñ 'māham'
use tum mashvare diyā nā karo

dil ke zaKHmon ka kuchh kya na karo
chaak ho jae to siya na karo

KHwab hote hain dekhne ke liye
un mein ja ke sanam jiya na karo

jise tum chhoD aae ho wo shahr
use ab yaad tum kiya na karo

rah mein chhoD kar chala jo gaya
nam us shaKHs ka liya na karo

baDe aadab hain mushaere ke
kabhi waqt-e-suKHan piya na karo

itna kam-zarf wo nahin 'maham'
use tum mashware diya na karo


Leave a comment

+