parakh fazā kī havā kā jise hisāb bhī hai
vo shaḳhs sāhab-e-fan bhī hai kāmyāb bhī hai

jo ruup aa.ī ko achchhā lage vo apnā leñ
hamārī shaḳhsiyat kāñTā bhī hai gulāb bhī hai

hamārā ḳhuun kā rishta hai sarhadoñ kā nahīñ
hamāre ḳhuun meñ gañgā bhī hai chanāb bhī hai

hamārā daur añdheroñ kā daur hai lekin
hamāre daur kī muTThī meñ āftāb bhī hai

kisī ġharīb kī roTī pe apnā naam na likh
kisī ġharīb kī roTī meñ inqilāb bhī hai

mirā savāl koī aam sā savāl nahīñ
mirā savāl tirī baat kā javāb bhī hai

isī zamīn par haiñ āḳhirī qadam apne
isī zamīn meñ boyā huā shabāb bhī hai

parakh faza ki hawa ka jise hisab bhi hai
wo shaKHs sahab-e-fan bhi hai kaamyab bhi hai

jo rup aai ko achchha lage wo apna len
hamari shaKHsiyat kanTa bhi hai gulab bhi hai

hamara KHun ka rishta hai sarhadon ka nahin
hamare KHun mein ganga bhi hai chanab bhi hai

hamara daur andheron ka daur hai lekin
hamare daur ki muTThi mein aaftab bhi hai

kisi gharib ki roTi pe apna nam na likh
kisi gharib ki roTi mein inqilab bhi hai

mera sawal koi aam sa sawal nahin
mera sawal teri baat ka jawab bhi hai

isi zamin par hain aaKHiri qadam apne
isi zamin mein boya hua shabab bhi hai