buland ziist kā apnī vaqār ho na sakā
tirī nazar meñ mirā pyaar pyaar ho na sakā

zamāna zindagī kā sāzgār ho na sakā
jiye zarūr magar e'tibār ho na sakā

tirā vaqār mukammal vaqār ho na sakā
kisī se tujh ko zamāne meñ pyaar ho na sakā

zamāna saarā huā hai tumhārā mahram-e-rāz
na ho sakā to mirā e'tibār ho na sakā

hayāt guzrī zamāne kī ġham-gusārī meñ
magar koī bhī mirā ġham-gusār ho na sakā

buland zist ka apni waqar ho na saka
teri nazar mein mera pyar pyar ho na saka

zamana zindagi ka sazgar ho na saka
jiye zarur magar e'tibar ho na saka

tera waqar mukammal waqar ho na saka
kisi se tujh ko zamane mein pyar ho na saka

zamana sara hua hai tumhaara mahram-e-raaz
na ho saka to mera e'tibar ho na saka

hayat guzri zamane ki gham-gusari mein
magar koi bhi mera gham-gusar ho na saka

Source: Book : Mujalla Dastavez (Pg. 165) Author : Aziz Nabeel Publication : Edarah Dastavez (2013-14) Edition : 2013-14