Warning: session_start(): open(/tmp/sess_qjjcir018u60q9jj5d6um85ti5, O_RDWR) failed: No space left on device (28) in /razi/eraazi/darbari/chunmun/index.php on line 15
bezar zindagi se dil-e-muzmahil nahin

Subscribe to our newsletter and get our newest updates

Talib Chakwali

  • Ghazal


bezar zindagi se dil-e-muzmahil nahin


bezār zindagī se dil-e-muzmahil nahīñ
shāyad ba-qadr-e-zarf abhī dard-e-dil nahīñ

apnā to us ne saath nibhāyā hai umr-bhar
kuchh log kah rahe haiñ ki ġham mustaqil nahīñ

dīvāna-e-mafād hai begāna-e-ḳhulūs
vo ahl-e-aql-o-hosh sahī ahl-e-dil nahīñ

sho.ale kahāñ se ā.eñge kaise khileñge phuul
zaḳhmoñ kī aag dil meñ agar mustaqil nahīñ

vo to hamārī baat ko samjheñge kis tarah
jin kā dimāġh to hai magar jin kā dil nahīñ

kyā ḳhuub inhimāk hai mahv-e-ḳhayāl kā
'tālib' ḳhudā kī zaat bhī is meñ muḳhil nahīñ

bezar zindagi se dil-e-muzmahil nahin
shayad ba-qadr-e-zarf abhi dard-e-dil nahin

apna to us ne sath nibhaya hai umr-bhar
kuchh log kah rahe hain ki gham mustaqil nahin

diwana-e-mafad hai begana-e-KHulus
wo ahl-e-aql-o-hosh sahi ahl-e-dil nahin

shoale kahan se aaenge kaise khilenge phul
zaKHmon ki aag dil mein agar mustaqil nahin

wo to hamari baat ko samjhenge kis tarah
jin ka dimagh to hai magar jin ka dil nahin

kya KHub inhimak hai mahw-e-KHayal ka
'talib' KHuda ki zat bhi is mein muKHil nahin


Source: Barg-e-Zard

Leave a comment

+