Subscribe to our newsletter and get our newest updates

Gauhar Seema

  • Ghazal


kya ab kisi ki aarzu ya justuju karen


kyā ab kisī kī aarzū yā justujū kareñ
ab ḳhud se hī savāl kareñ guftugū kareñ

koī to kaam aisā kareñ zindagī meñ ham
kuchh apne vāldain ko bhī surḳh-rū kareñ

Dāleñ nazar ham apne bhī aiboñ pe dostoñ
jab aa.ine ko apne kabhī rū-ba-rū kareñ

qudrat ke kārnāmoñ meñ hai kitnī dilkashī
lagtā hai bārishoñ meñ ki patte vuzū kareñ

ab ḳhatm kar de zindagī sāñsoñ kā silsila
ham apnī ḳhvāhishoñ kā kahāñ tak lahū kareñ

kya ab kisi ki aarzu ya justuju karen
ab KHud se hi sawal karen guftugu karen

koi to kaam aisa karen zindagi mein hum
kuchh apne waldain ko bhi surKH-ru karen

Dalen nazar hum apne bhi aibon pe doston
jab aaine ko apne kabhi ru-ba-ru karen

qudrat ke karnamon mein hai kitni dilkashi
lagta hai barishon mein ki patte wuzu karen

ab KHatm kar de zindagi sanson ka silsila
hum apni KHwahishon ka kahan tak lahu karen


Leave a comment

+