Warning: session_start(): open(/tmp/sess_uni1htmvtfsk68a7mu30cmguv4, O_RDWR) failed: No space left on device (28) in /razi/eraazi/darbari/chunmun/index.php on line 15
safar ka shauq na manzil ki justuju baqi

Subscribe to our newsletter and get our newest updates

Aabid Adeeb

  • Ghazal


safar ka shauq na manzil ki justuju baqi


safar kā shauq na manzil kī justujū baaqī
musāfiroñ ke badan meñ nahīñ lahū baaqī

tamām raat havāoñ kā gasht jaarī thā
savere tak na rahā koī hū-ba-hū baaqī

sabhī tarah se ta.āruf to ho gayā un kā
rahī hai ab to mulāqāt rū-ba-rū baaqī

jo bhiiḌ bikhre to dekhūñ talab ye kaisī hai
dayār-e-ġhair meñ hai kis kī justujū baaqī

vahī nazāre vahī garmī-e-suḳhan hai magar
na hī vo baat na vo tarz-e-guftugū baaqī

zamāna mujh se judā ho gayā zamāna huā
rahā hai ab to bichhaḌne ko mujh se tū baaqī

usī lihāz kā 'ābid' malāl hai ham ko
rahā na aaj jo daurān-e-guftugū baaqī

safar ka shauq na manzil ki justuju baqi
musafiron ke badan mein nahin lahu baqi

tamam raat hawaon ka gasht jari tha
sawere tak na raha koi hu-ba-hu baqi

sabhi tarah se taaruf to ho gaya un ka
rahi hai ab to mulaqat ru-ba-ru baqi

jo bhiD bikhre to dekhun talab ye kaisi hai
dayar-e-ghair mein hai kis ki justuju baqi

wahi nazare wahi garmi-e-suKHan hai magar
na hi wo baat na wo tarz-e-guftugu baqi

zamana mujh se juda ho gaya zamana hua
raha hai ab to bichhaDne ko mujh se tu baqi

usi lihaz ka 'abid' malal hai hum ko
raha na aaj jo dauran-e-guftugu baqi


Source:

Leave a comment

+