mukhḌā vo but jidhar karegā
banda sajda udhar karegā

karnā ho jise ki ḳhāna vīrāñ
dil meñ tire vo ghar karegā

vo lutf uThā.egā safar kā
āp-apne meñ jo safar karegā

vaa.iz ye suḳhan tirā kabhī aah
ham meñ bhī kuchh asar karegā

ai shaiḳh tujhe butoñ se inkār
vallāh bahut zarar karegā

ho jis ko tamām shab sar-e-shām
kyā vasl meñ vo sahar karegā

'ġhamgīñ' jo baiThe us ke dar par
vo us ko na dar-ba-dar karegā

mukhDa wo but jidhar karega
banda sajda udhar karega

karna ho jise ki KHana viran
dil mein tere wo ghar karega

wo lutf uThaega safar ka
aap-apne mein jo safar karega

waiz ye suKHan tera kabhi aah
hum mein bhi kuchh asar karega

ai shaiKH tujhe buton se inkar
wallah bahut zarar karega

ho jis ko tamam shab sar-e-sham
kya wasl mein wo sahar karega

'ghamgin' jo baiThe us ke dar par
wo us ko na dar-ba-dar karega