apnī qismat kā sitārā sar-e-mizhgāñ dekhā
aaj ham ne asar-e-jazba-e-pinhāñ dekhā

ab kise DhūñD rahī hai nigah-e-nāz batā
hāsil-e-jaur mire zūd-pashemāñ dekhā

jo satātā hai vahī dil meñ jagah paatā hai
ye mohabbat meñ na.ī tarz kā armāñ dekhā

ab ye shikva hai vo pahlī sī ghaTā.eñ hī nahīñ
ham na kahte the na kar zulf-e-pareshāñ dekhā

shikva āsān thā ab us kī pashemānī hai
kin nigāhoñ se tumheñ sar-ba-garebāñ dekhā

apne marne kā nahīñ ġham ye malāl aatā hai
kyuuñ zamāne ne tumheñ bāl-e-pareshāñ dekhā

raat aatī hai to khā kar usī gesū kī qasam
ham ne 'tālib' kā muqaddar shab-e-hijrāñ dekhā

apni qismat ka sitara sar-e-mizhgan dekha
aaj hum ne asar-e-jazba-e-pinhan dekha

ab kise DhunD rahi hai nigah-e-naz bata
hasil-e-jaur mere zud-pasheman dekha

jo satata hai wahi dil mein jagah pata hai
ye mohabbat mein nai tarz ka arman dekha

ab ye shikwa hai wo pahli si ghaTaen hi nahin
hum na kahte the na kar zulf-e-pareshan dekha

shikwa aasan tha ab us ki pashemani hai
kin nigahon se tumhein sar-ba-gareban dekha

apne marne ka nahin gham ye malal aata hai
kyun zamane ne tumhein baal-e-pareshan dekha

raat aati hai to kha kar usi gesu ki qasam
hum ne 'talib' ka muqaddar shab-e-hijran dekha

Source: