Subscribe to our newsletter and get our newest updates

Tahseen Firaqi

  • Ghazal


teri gali mein gae kitne mah o sal hue


tirī galī meñ ga.e kitne maah o saal hue
guzar ga.e ka.ī mausam hameñ bahāl hue

zabāñ meñ thī abhī luknat ki harf-e-ishq kahā
laḌakpanā thā ki zanjīr-e-ḳhadd-o-ḳhāl hue

maiñ muskurātā rahā aur muskurātā rahā
savāl mujh pe ka.ī mere hasb-e-hāl hue

nahīñ ki kohkan o qais kā zamāna nahīñ
magar ye baat ki ye log ḳhaal ḳhaal hue

Thahar gayā savā neze pe aan kar sūraj
guzar ga.iiñ ka.ī sadiyāñ hameñ zavāl hue

phir us kī yaad ne dastak dil-e-hazīñ par dī
phir āñsuoñ meñ nihāñ us ke ḳhad-o-ḳhāl hue

misāl-e-naqsh-e-kaf-e-pā na uTh sake 'tahsīñ'
ba-rañg-e-sabza ham is darja pā.emāl hue

teri gali mein gae kitne mah o sal hue
guzar gae kai mausam hamein bahaal hue

zaban mein thi abhi luknat ki harf-e-ishq kaha
laDakpana tha ki zanjir-e-KHadd-o-KHal hue

main muskuraata raha aur muskuraata raha
sawal mujh pe kai mere hasb-e-haal hue

nahin ki kohkan o qais ka zamana nahin
magar ye baat ki ye log KHal KHal hue

Thahar gaya sawa neze pe aan kar suraj
guzar gain kai sadiyan hamein zawal hue

phir us ki yaad ne dastak dil-e-hazin par di
phir aansuon mein nihan us ke KHad-o-KHal hue

misal-e-naqsh-e-kaf-e-pa na uTh sake 'tahsin'
ba-rang-e-sabza hum is darja paemal hue


Source: Book : Shakh-e-Zaryab (Pg. 33) Author : tahsiin firaaqii Publication : Haji Haneef Printers Lahore (2012) Edition : 2012

Leave a comment

+