ḳhuub āzādī-e-sahāfat hai
nazm likhne pe bhī qayāmat hai

da.avā jamhūriyat kā hai har-ān
ye hukūmat bhī kyā hukūmat hai

dhāñdlī dhoñs kī hai paidāvār
sab ko ma.alūm ye haqīqat hai

ḳhauf ke zehn-o-dil pe saa.e haiñ
kis kī izzat yahāñ salāmat hai

kabhī jamhūriyat yahāñ aa.e
yahī 'jālib' hamārī hasrat hai

KHub aazadi-e-sahafat hai
nazm likhne pe bhi qayamat hai

dawa jamhuriyat ka hai har-an
ye hukumat bhi kya hukumat hai

dhandli dhons ki hai paidawar
sab ko malum ye haqiqat hai

KHauf ke zehn-o-dil pe sae hain
kis ki izzat yahan salamat hai

kabhi jamhuriyat yahan aae
yahi 'jalib' hamari hasrat hai