Subscribe to our newsletter and get our newest updates

Vikas Joshi Wahid

  • Ghazal


ye bar-e-gham uTha kar dekhte hain


ye bār-e-ġham uThā kar dekhte haiñ
tumheñ bhī aazmā kar dekhte haiñ

baḌā hai zo.am is pāgal havā ko
diye ham bhī jalā kar dekhte haiñ

hai mumkin zindagī aa.e samajh ab
dobāra sar khapā kar dekhte haiñ

hamāre zaḳhm kā kyā haal hai vo
gale ham ko lagā kar dekhte haiñ

yaqīñ duniyā pe phir hone lagā hai
chalo phir choT khā kar dekhte haiñ

pighaltī hī nahīñ ashkoñ se duniyā
zarā sā muskurā kar dekhte haiñ

muḳhālif ishq ke tum ho jo 'vāhid'
tumhārī nas dabā kar dekhte haiñ

ye bar-e-gham uTha kar dekhte hain
tumhein bhi aazma kar dekhte hain

baDa hai zoam is pagal hawa ko
diye hum bhi jala kar dekhte hain

hai mumkin zindagi aae samajh ab
dobara sar khapa kar dekhte hain

hamare zaKHm ka kya haal hai wo
gale hum ko laga kar dekhte hain

yaqin duniya pe phir hone laga hai
chalo phir choT kha kar dekhte hain

pighalti hi nahin ashkon se duniya
zara sa muskura kar dekhte hain

muKHalif ishq ke tum ho jo 'wahid'
tumhaari nas daba kar dekhte hain


Leave a comment

+