Subscribe to our newsletter and get our newest updates

Farasat Rizwi

  • Ghazal


kisi ko kab wo apne dil ka kuchh ahwal deta hai


kisī ko kab vo apne dil kā kuchh ahvāl detā hai
maiñ us se baat kartā huuñ vo mujh ko Taal detā hai

koī to hai jo is hairat-sarā-e-nūr-o-zulmat meñ
sitāre ko ziyā ā.īne ko timsāl detā hai

bahut inkār kartā hai savāl-e-vasl par lekin
ḳhafā ho jā.ūñ to gardan meñ bāñheñ Daal detā hai

koī chehroñ kā saudāgar chhupā hai is ḳharābe meñ
purānī sūrateñ le kar na.ī ashkāl detā hai

maiñ jis lamhe guzarte vaqt ko mahsūs kartā huuñ
vo ik lamha 'farāsat' ranj-e-māh-o-sāl detā hai

kisi ko kab wo apne dil ka kuchh ahwal deta hai
main us se baat karta hun wo mujh ko Tal deta hai

koi to hai jo is hairat-sara-e-nur-o-zulmat mein
sitare ko ziya aaine ko timsal deta hai

bahut inkar karta hai sawal-e-wasl par lekin
KHafa ho jaun to gardan mein banhen Dal deta hai

koi chehron ka saudagar chhupa hai is KHarabe mein
purani suraten le kar nai ashkal deta hai

main jis lamhe guzarte waqt ko mahsus karta hun
wo ek lamha 'farasat' ranj-e-mah-o-sal deta hai


Source: Book : Kitab-e-Rafta (Pg. 185) Author : Firasat Rizvi Publication : Academy Bazyaft, Karachi Pakistan Lahore (2007) Edition : 2007

Leave a comment

+