jab sanam kuuñ ḳhayāl-e-bāġh huā
tālib-e-nashsha-e-farāġh huā

fauj-e-ushshāq dekh har jānib
nāznīñ sāhib-e-dimāġh huā

rashk suuñ tujh labāñ kī surḳhī par
jigar-e-lāla dāġh-dāġh huā

dil-e-ushshāq kyuuñ na ho raushan
jab ḳhayāl-e-sanam charāġh huā

ai 'valī' gul-badan kuuñ baaġh meñ dekh
dil-e-sad-chāk bāġh-bāġh huā

jab sanam kun KHayal-e-bagh hua
talib-e-nashsha-e-faragh hua

fauj-e-ushshaq dekh har jaanib
naznin sahib-e-dimagh hua

rashk sun tujh laban ki surKHi par
jigar-e-lala dagh-dagh hua

dil-e-ushshaq kyun na ho raushan
jab KHayal-e-sanam charagh hua

ai 'wali' gul-badan kun bagh mein dekh
dil-e-sad-chaak bagh-bagh hua