Warning: session_start(): open(/tmp/sess_drhtr670v4e0ju9gggpp8e2sa7, O_RDWR) failed: No space left on device (28) in /razi/eraazi/darbari/chunmun/index.php on line 15
har ek samt jab usko pukarna Thahra

Subscribe to our newsletter and get our newest updates

Wali Alam Shaheen

  • Ghazal


har ek samt jab usko pukarna Thahra


har ek samt jab us ko pukārnā Thahrā
vo phir mirī rag-e-jāñ se qarīb kyā Thahrā

fareb-ḳhurda nazar ko fareb duuñ kab tak
vo ek abr thā kyā aayā aur kyā Thahrā

jidhar se jā.iye raste udhar hī jaate the
magar vahāñ se nikalnā to mo.ajiza Thahrā

vo sail thā ki musāfir adam kī raah ga.e
jahāz duur magar ḳhushkiyoñ pe jā Thahrā

jo din ko haath na aayā sarāb kī sūrat
vo shab samet mire kunj-e-ġham meñ aa Thahrā

matā-e-jāñ hai jo us ek ḳhvāb kā hāsil
sulagtī aañkh meñ neze kā zā.iqa Thahrā

ab us ke shahr pe 'shāhīn' har safar hai tamām
ajiib ham-safarī kā mo.āmla Thahrā

har ek samt jab us ko pukarna Thahra
wo phir meri rag-e-jaan se qarib kya Thahra

fareb-KHurda nazar ko fareb dun kab tak
wo ek abr tha kya aaya aur kya Thahra

jidhar se jaiye raste udhar hi jate the
magar wahan se nikalna to moajiza Thahra

wo sail tha ki musafir adam ki rah gae
jahaz dur magar KHushkiyon pe ja Thahra

jo din ko hath na aaya sarab ki surat
wo shab samet mere kunj-e-gham mein aa Thahra

mata-e-jaan hai jo us ek KHwab ka hasil
sulagti aankh mein neze ka zaiqa Thahra

ab us ke shahr pe 'shahin' har safar hai tamam
ajib ham-safari ka moamla Thahra


Source: Book : Be-nishaan (Pg. 197) Author : wali aalam Shahiin Publication : Dabistan-e-jadeed (1984) Edition : 1984

Leave a comment

+