tamām shahr hī terī adā se qaa.em hai
husūl-e-kār-gah-e-ġham duā se qaa.em hai

tasalsul is ke sivā aur kyā ho miTTī kā
ye ibtidā bhī mirī intihā se qaa.em hai

ḳhudā vajūd meñ hai aadmī ke hone se
aur aadmī kā tasalsul ḳhudā se qaa.em hai

tamām josh-e-mohabbat tamām hirs-o-havas
vafā ke naam pe har bevafā se qaa.em hai

ye fāsla faqat ek ret kī nahīñ dīvār
tire vajūd se merī anā se qaa.em hai

tamam shahr hi teri ada se qaem hai
husul-e-kar-gah-e-gham dua se qaem hai

tasalsul is ke siwa aur kya ho miTTi ka
ye ibtida bhi meri intiha se qaem hai

KHuda wajud mein hai aadmi ke hone se
aur aadmi ka tasalsul KHuda se qaem hai

tamam josh-e-mohabbat tamam hirs-o-hawas
wafa ke nam pe har bewafa se qaem hai

ye fasla faqat ek ret ki nahin diwar
tere wajud se meri ana se qaem hai

Videos
This video is playing from YouTube Videos
This video is playing from YouTube Taleef Haidar RECITATIONS Taleef Haidar



00:00/00:00 tamam shahr hi teri ada se qaem hai Taleef Haidar