hotā agar dabīz junūn-e-safar kā rañg
ḳhud hī utarne lagtā rah-e-pur-ḳhatar kā rañg

sūraj ġhurūb hote hue mujh se kah gayā
kuchh to batā ki kaisā hai ḳhūn-e-jigar kā rañg

ai ahliyān-e-amn-o-aḳhūvat maiñ kyā kahūñ
kis darja surḳh hai tire dīvār-o-dar kā rañg

maanā ki lab ḳhamosh the āñkheñ to chup na thiiñ
sab raaz faash kar gayā terī nazar kā rañg

haañ ai amīr-e-shahr zarā aañkh to milā
tujh ko batā.ūñ kyā hai ruḳh-e-mo'atabar kā rañg

maiñ āsmān oḌh ke soyā rahā 'sabā'
ġhurbat pe merī hañstā rahā shab qamar kā rañg

hota agar dabiz junun-e-safar ka rang
KHud hi utarne lagta rah-e-pur-KHatar ka rang

suraj ghurub hote hue mujh se kah gaya
kuchh to bata ki kaisa hai KHun-e-jigar ka rang

ai ahliyan-e-amn-o-aKHuwat main kya kahun
kis darja surKH hai tere diwar-o-dar ka rang

mana ki lab KHamosh the aankhen to chup na thin
sab raaz fash kar gaya teri nazar ka rang

han ai amir-e-shahr zara aankh to mila
tujh ko bataun kya hai ruKH-e-mo'atabar ka rang

main aasman oDh ke soya raha 'saba'
ghurbat pe meri hansta raha shab qamar ka rang