Warning: session_start(): open(/tmp/sess_od6ijt1vnqknv8k2ecrvo4toe5, O_RDWR) failed: No space left on device (28) in /razi/eraazi/darbari/chunmun/index.php on line 15
nafs-e-sarkash ko qatl kar ai dil

Subscribe to our newsletter and get our newest updates

Imdad Ali Bahr

  • Ghazal


nafs-e-sarkash ko qatl kar ai dil


nafs-e-sarkash ko qatl kar ai dil
musta.id ho jihād par ai dil

na phalegī tijārat-e-duniyā
hai yahāñ naf.a meñ zarar ai dil

tere kirdār par haiñ shāhid-e-hāl
ḳhushk-lab aur chashm-e-tar ai dil

na ro ulfat na haath se jaa.e
khel jā apnī jaan par ai dil

chāhiye be-mahal na Tapke ashk
abrūoñ par rahe nazar ai dil

be-ḳhudī meñ nikal chalā hai kidhar
bhuul jaanā na apnā ghar ai dil

kū-e-jānāñ hai maqtal-e-ushshāq
le chalā hai mujhe kidhar ai dil

jaan jaanī hai tujh ko hosh nahīñ
tū bhī kitnā hai be-ḳhabar ai dil

ishq-bāzī hai ābrū-rezī
apne fe.aloñ se darguzar ai dil

kyuuñ nikal kar zalīl hotī hai
terī fariyād-e-be-asar ai dil

dhyān āThoñ-pahar usī kā hai
kabhī apnī bhī lī ḳhabar ai dil

ishq ke ma.arke meñ maar qadam
fat.h hai tere naam par ai dil

ashk ho kar bahā ki ḳhuun huā
kyā huī hālat-e-jigar ai dil

ġham-e-ālam hai tere hisse meñ
tū bhī kyā hai nasīb-var ai dil

tū agar aag hai vo paanī hai
'bahr' ke shar se ḳhauf kar ai dil

nafs-e-sarkash ko qatl kar ai dil
mustaid ho jihad par ai dil

na phalegi tijarat-e-duniya
hai yahan nafa mein zarar ai dil

tere kirdar par hain shahid-e-haal
KHushk-lab aur chashm-e-tar ai dil

na ro ulfat na hath se jae
khel ja apni jaan par ai dil

chahiye be-mahal na Tapke ashk
abruon par rahe nazar ai dil

be-KHudi mein nikal chala hai kidhar
bhul jaana na apna ghar ai dil

ku-e-jaanan hai maqtal-e-ushshaq
le chala hai mujhe kidhar ai dil

jaan jaani hai tujh ko hosh nahin
tu bhi kitna hai be-KHabar ai dil

ishq-bazi hai aabru-rezi
apne fealon se darguzar ai dil

kyun nikal kar zalil hoti hai
teri fariyaad-e-be-asar ai dil

dhyan aaThon-pahar usi ka hai
kabhi apni bhi li KHabar ai dil

ishq ke marke mein mar qadam
fath hai tere nam par ai dil

ashk ho kar baha ki KHun hua
kya hui haalat-e-jigar ai dil

gham-e-alam hai tere hisse mein
tu bhi kya hai nasib-war ai dil

tu agar aag hai wo pani hai
'bahr' ke shar se KHauf kar ai dil


Leave a comment

+