Warning: session_start(): open(/tmp/sess_lnem06ofcmsoda19k14e24a6h0, O_RDWR) failed: No space left on device (28) in /razi/eraazi/darbari/chunmun/index.php on line 15
jo dasht-e-tamanna mein har waqt bhaTakta hai

Subscribe to our newsletter and get our newest updates

Wahid Premi

  • Ghazal


jo dasht-e-tamanna mein har waqt bhaTakta hai


jo dasht-e-tamannā meñ har vaqt bhaTaktā hai
insān kā dil aisā ma.asūm parinda hai

ik ḳhaak kā tuuda hai par azmat-e-duniyā hai
naqqāsh-e-haqīqat ne kyā naqsh tarāshā hai

maiñ auroñ ko kyā parkhūñ ā.ina-e-ālam meñ
muhtāj-e-shanāsā.ī jab apnā hī chehrā hai

ham apnī haqīqat kyā pahchān sakeñ yaaro
parda hai nigāhoñ pe zehnoñ meñ dhuñdlakā hai

soz-e-ġham-e-hastī se 'vāhid' tirī nas nas meñ
ye garm lahū kyā hai bahtā huā laavā hai

jo dasht-e-tamanna mein har waqt bhaTakta hai
insan ka dil aisa masum parinda hai

ek KHak ka tuda hai par azmat-e-duniya hai
naqqash-e-haqiqat ne kya naqsh tarasha hai

main auron ko kya parkhun aaina-e-alam mein
muhtaj-e-shanasai jab apna hi chehra hai

hum apni haqiqat kya pahchan saken yaro
parda hai nigahon pe zehnon mein dhundlaka hai

soz-e-gham-e-hasti se 'wahid' teri nas nas mein
ye garm lahu kya hai bahta hua lawa hai


Source: Book : Tahreek Silver Jubilee Number (Pg. 440) Author : Monthly Tahreek, 9, Ansari Market, Daryaganj,New Delhi-110002 Publication : Gopal Mittal, Makhmoor Saeedi, Prem Gopal Mittal (July, Aug., Sep. Oct. 1978,Volume No. 26,Issue No. 4,5,6,7,) Edition : July, Aug., Sep. Oct. 1978,Volume No. 26,Issue No. 4,5,6,7,

Leave a comment

+