kis tarah bhūle tire alfāz-e-bejā kyā karūñ
vahshateñ yā hasrateñ jo bhī haiñ le jā kyā karūñ

dil hathelī pe rakhā aur saath meñ ik ḳhat diyā
kuchh nahīñ baaqī bachā hai kyuuñ ye bhejā kyā karūñ

har ghaḌī halkān rahnā aur na sonā raat bhar
aur jo tanhā.ī dī thī vo bhī hai jā kyā karūñ

kab talak chal pā.egī ye ek tarfa zyādtī
maiñ bhī jānūñ huuñ taġhāful jā kahe jā kyā karūñ

mujh ko sunñā hī nahīñ hai talḳhiyoñ kā falsafa
umr bhar to maiñ ne tanhā ġham sahejā kyā karūñ

kis tarah bhule tere alfaz-e-beja kya karun
wahshaten ya hasraten jo bhi hain le ja kya karun

dil hatheli pe rakha aur sath mein ek KHat diya
kuchh nahin baqi bacha hai kyun ye bheja kya karun

har ghaDi halkan rahna aur na sona raat bhar
aur jo tanhai di thi wo bhi hai ja kya karun

kab talak chal paegi ye ek tarfa zyaadti
main bhi jaanun hun taghaful ja kahe ja kya karun

mujh ko sunna hi nahin hai talKHiyon ka falsafa
umr bhar to main ne tanha gham saheja kya karun