dil tak laraz uThā hai tire iltifāt par
ab iltifāt hai bhī to tohmat hayāt par

likhiye to likhte rahiye kitābeñ tamām umr
vo tabsire hue haiñ mirī baat baat par

tārīk ho na jaa.e kahīñ mahfil-e-hayāt
ab āñdhiyoñ kā zor hai sham-e-hayāt par

dekhe hue se ḳhvāb haiñ chauñkeñ bhī kis liye
kuchh muskurā to lete haiñ ham hādsāt par

har har qadam charāġh kahāñ tak jalāo.ge
tārīkiyāñ to din kī bhī vārid haiñ raat par

dhārā to vāqi.āt kā 'mahshar' muḌegā kyā
behtar ye hai ki naqd karo vāqi.āt par

dil tak laraz uTha hai tere iltifat par
ab iltifat hai bhi to tohmat hayat par

likhiye to likhte rahiye kitaben tamam umr
wo tabsire hue hain meri baat baat par

tarik ho na jae kahin mahfil-e-hayat
ab aandhiyon ka zor hai sham-e-hayat par

dekhe hue se KHwab hain chaunken bhi kis liye
kuchh muskura to lete hain hum hadsat par

har har qadam charagh kahan tak jalaoge
tarikiyan to din ki bhi warid hain raat par

dhaara to waqiat ka 'mahshar' muDega kya
behtar ye hai ki naqd karo waqiat par

Source: Book : Sahbaa-o-Saman (Pg. 100) Edition : 1st 1979 IInd 2008