Subscribe to our newsletter and get our newest updates

Najeeb Ahmad

  • Ghazal


ai mah-e-hijr kya kahen kisi thakan safar mein thi


ai mah-e-hijr kyā kaheñ kaisī thakan safar meñ thī
ruup jo rahguzar meñ the dhuup jo rahguzar meñ thī

lafz kī shakl par na jā lafz ke rañg bhī samajh
ek ḳhabar pas-e-ḳhabar aaj kī har ḳhabar meñ thī

raat fasīl-e-shahr meñ ek shigāf kyā milā
ḳhuun kī ik lakīr sī sub.h nazar nazar meñ thī

merī nigāh meñ bhī ḳhvāb terī nigāh meñ ḳhvāb
ek hī dhun basī huī asr-e-ravāñ ke sar meñ thī

shahr pe ratjagoñ se bhī bāb-e-ufuq na khul sakā
vus.at-e-bām-o-dar 'najīb' vus.at-e-bām-o-dar meñ thī

ai mah-e-hijr kya kahen kaisi thakan safar mein thi
rup jo rahguzar mein the dhup jo rahguzar mein thi

lafz ki shakl par na ja lafz ke rang bhi samajh
ek KHabar pas-e-KHabar aaj ki har KHabar mein thi

raat fasil-e-shahr mein ek shigaf kya mila
KHun ki ek lakir si subh nazar nazar mein thi

meri nigah mein bhi KHwab teri nigah mein KHwab
ek hi dhun basi hui asr-e-rawan ke sar mein thi

shahr pe ratjagon se bhi bab-e-ufuq na khul saka
wusat-e-baam-o-dar 'najib' wusat-e-baam-o-dar mein thi


Source: Book : Ibaraten (Pg. 71)

Leave a comment

+