sabīl-e-sajda-e-nā-muḳhtatam banāte hue
ḳhudā tak aa.e haiñ kyā kyā sanam banāte hue
ġhurūr-e-ishq meñ ik inkisār-e-faqr bhī hai
ḳhamīda-sar haiñ vafā ko alam banāte hue
tire ḳhayāl kī rau hai ki koī mauj-e-tarab
guzar rahī hai ajab zer-o-bam banāte hue
jabīn-e-vaqt pe sabt apnā naqsh us ne kiyā
diloñ ke daaġh charāġh-e-haram banāte hue
to kyā zarūr ki tahqīr ḳhalq karte phiro
ik apnā aks-e-anā muhtashim banāte hue
guzārte haiñ kahāñ zindagī guzartī hai
bas ek raah ba-sū-e-adam banāte hue
sabil-e-sajda-e-na-muKHtatam banate hue
KHuda tak aae hain kya kya sanam banate hue
ghurur-e-ishq mein ek inkisar-e-faqr bhi hai
KHamida-sar hain wafa ko alam banate hue
tere KHayal ki rau hai ki koi mauj-e-tarab
guzar rahi hai ajab zer-o-bam banate hue
jabin-e-waqt pe sabt apna naqsh us ne kiya
dilon ke dagh charagh-e-haram banate hue
to kya zarur ki tahqir KHalq karte phiro
ek apna aks-e-ana muhtashim banate hue
guzarte hain kahan zindagi guzarti hai
bas ek rah ba-su-e-adam banate hue
Leave a comment