shab ke ġham din ke azāboñ se alag rakhtā huuñ
saarī tābīroñ ko ḳhvāboñ se alag rakhtā huuñ

jo paḌhā hai use jiinā hī nahīñ hai mumkin
zindagī ko maiñ kitāboñ se alag rakhtā huuñ

us kī taqdīs pe dhabba nahīñ lagne detā
dāman-e-dil ko hisāboñ se alag rakhtā huuñ

ye amal ret ko paanī nahīñ banñe detā
pyaas ko apnī sarāboñ se alag rakhtā huuñ

us ke dar par nahīñ likhtā maiñ hisāb-e-duniyā
dil kī masjid ko ḳharāboñ se alag rakhtā huuñ

shab ke gham din ke azabon se alag rakhta hun
sari tabiron ko KHwabon se alag rakhta hun

jo paDha hai use jina hi nahin hai mumkin
zindagi ko main kitabon se alag rakhta hun

us ki taqdis pe dhabba nahin lagne deta
daman-e-dil ko hisabon se alag rakhta hun

ye amal ret ko pani nahin banne deta
pyas ko apni sarabon se alag rakhta hun

us ke dar par nahin likhta main hisab-e-duniya
dil ki masjid ko KHarabon se alag rakhta hun