ka.ī din se koī hichkī nahīñ hai
vo ham ko yaad ab kartī nahīñ hai

sivā tere jidhar se koī aa.e
hamāre dil meñ vo khiḌkī nahīñ hai

maiñ jis dariyā meñ kāñTā Dāltā thā
sunā hai ab vahāñ machhlī nahīñ hai

thiiñ jitnī sab kueñ meñ pheñk aa.e
hamāre paas ab nekī nahīñ hai

kai din se koi hichki nahin hai
wo hum ko yaad ab karti nahin hai

siwa tere jidhar se koi aae
hamare dil mein wo khiDki nahin hai

main jis dariya mein kanTa Dalta tha
suna hai ab wahan machhli nahin hai

thin jitni sab kuen mein phenk aae
hamare pas ab neki nahin hai