Subscribe to our newsletter and get our newest updates

Hafeez Jalandhari

  • Ghazal


hairan na ho dekh main kya dekh raha hun


hairān na ho dekh maiñ kyā dekh rahā huuñ
bande tirī sūrat meñ ḳhudā dekh rahā huuñ

vo apnī jafāoñ kā asar dekh rahe haiñ
maiñ ma.anī-e-taslīm-o-razā dekh rahā huuñ

duzdīda nigāhoñ se kidhar dekh rahe ho
kyā baat hai! ye aaj maiñ kyā dekh rahā huuñ

hai husn yahī shai to gumāñ aur na kiije
saudā nahīñ matlūb zarā dekh rahā huuñ

kis tarah na qaa.il huuñ duā-e-saharī kā
us lab pe tabassum kī ziyā dekh rahā huuñ

kyuuñ arz-e-vatan tañg hai ye baat hī kyā hai
ab to faqat ik qabr kī jā dekh rahā huuñ

mar jaane kī dhamkī huī tamhīd-e-tamāshā
maiñ ne kahā dekh us ne kahā dekh rahā huuñ

hairan na ho dekh main kya dekh raha hun
bande teri surat mein KHuda dekh raha hun

wo apni jafaon ka asar dekh rahe hain
main mani-e-taslim-o-raza dekh raha hun

duzdida nigahon se kidhar dekh rahe ho
kya baat hai! ye aaj main kya dekh raha hun

hai husn yahi shai to guman aur na kije
sauda nahin matlub zara dekh raha hun

kis tarah na qail hun dua-e-sahari ka
us lab pe tabassum ki ziya dekh raha hun

kyun arz-e-watan tang hai ye baat hi kya hai
ab to faqat ek qabr ki ja dekh raha hun

mar jaane ki dhamki hui tamhid-e-tamasha
main ne kaha dekh us ne kaha dekh raha hun


Source: Book : Kulliyat-e-Hafeez Jalandhari (Pg. 143)

Leave a comment

+