na toḌ shīshoñ ko o gul-badan taḌāq-paḌāq
ye dil-shikan hai sadā-e-shikan taḌāq-paḌāq

ba-rañg-e-ġhuncha-e-gul chup ho kyuuñ javāb to do
mirā suḳhan kā hai ye ho suḳhan taḌāq-paḌāq

abhī uThe tirā bīmār-e-nā-tavāñ ġhash se
jo de tū bosa-e-seb-e-zaqan taḌāq-paḌāq

hazāroñ shīsha-e-dil koh-e-ġham pe ai 'tanvīr'
mudām toḌe hai charḳh-e-kuhan taḌāq-paḌāq

na toD shishon ko o gul-badan taDaq-paDaq
ye dil-shikan hai sada-e-shikan taDaq-paDaq

ba-rang-e-ghuncha-e-gul chup ho kyun jawab to do
mera suKHan ka hai ye ho suKHan taDaq-paDaq

abhi uThe tera bimar-e-na-tawan ghash se
jo de tu bosa-e-seb-e-zaqan taDaq-paDaq

hazaron shisha-e-dil koh-e-gham pe ai 'tanwir'
mudam toDe hai charKH-e-kuhan taDaq-paDaq

Source: Intikhab-e-Sukhan,Volume-001