Warning: session_start(): open(/tmp/sess_robt6uau4puk6ca98teoqbl9a1, O_RDWR) failed: No space left on device (28) in /razi/eraazi/darbari/chunmun/index.php on line 15
dekh jurm-o-saza ki baat na kar

Subscribe to our newsletter and get our newest updates

Davarka Das Shola

  • Ghazal


dekh jurm-o-saza ki baat na kar


dekh jurm-o-sazā kī baat na kar
mai-kade meñ ḳhudā kī baat na kar

maiñ to be-mehriyoñ kā aadī huuñ
mujh se mehr-o-vafā kī baat na kar

shauq-e-be-mudda.ā kā maarā huuñ
shauq-e-be-mudda.ā kī baat na kar

vo to muddat huī ki TuuT gayā
mere dast-e-duā kī baat na kar

jo nahīñ iḳhtiyār meñ mere
us but be-vafā kī baat na kar

ishq kī intihā ko dekh zarā
ishq kī ibtidā kī baat na kar

kyā milā fikr kī rasā.ī se
merī fikr-e-rasā kī baat na kar

is kī taqdīr meñ ḳharābī thī
is dil-e-mubtalā kī baat na kar

jo bhī honā thā ho gayā 'sho.ala'
karam-e-nāḳhudā kī baat na kar

dekh jurm-o-saza ki baat na kar
mai-kade mein KHuda ki baat na kar

main to be-mehriyon ka aadi hun
mujh se mehr-o-wafa ki baat na kar

shauq-e-be-muddaa ka mara hun
shauq-e-be-muddaa ki baat na kar

wo to muddat hui ki TuT gaya
mere dast-e-dua ki baat na kar

jo nahin iKHtiyar mein mere
us but be-wafa ki baat na kar

ishq ki intiha ko dekh zara
ishq ki ibtida ki baat na kar

kya mila fikr ki rasai se
meri fikr-e-rasa ki baat na kar

is ki taqdir mein KHarabi thi
is dil-e-mubtala ki baat na kar

jo bhi hona tha ho gaya 'shoala'
karam-e-naKHuda ki baat na kar


Source: Shola-Zaar

Leave a comment

+