Warning: session_start(): open(/tmp/sess_r7a6e80ljdooua0ng15kk1cf06, O_RDWR) failed: No space left on device (28) in /razi/eraazi/darbari/chunmun/index.php on line 15
fikr-e-sud-o-ziyan mein rahta hun

Subscribe to our newsletter and get our newest updates

Hafeez Shahid

  • Ghazal


fikr-e-sud-o-ziyan mein rahta hun


fikr-e-sūd-o-ziyāñ meñ rahtā huuñ
maiñ bhī is ḳhāk-dāñ meñ rahtā huuñ

nīlgūñ āsmān ke nīche
ḳhema-e-jism-o-jāñ meñ rahtā huuñ

maiñ huuñ āzād kab zamāne meñ
qaid-e-vahm-o-gumāñ meñ rahtā huuñ

maiñ mohabbat kī raushnī ban kar
vaqt kī kahkashāñ meñ rahtā huuñ

maiñ bahāroñ ke rañg meñ Dhal kar
manzar-e-bostāñ meñ rahtā huuñ

jaane kyā baat hai ki maiñ tanhā
mahfil-e-dostāñ meñ rahtā huuñ

apne būḌhe vajūd ke andar
ik shikasta makāñ meñ rahtā huuñ

fikr-e-itlāf-e-zindagī kaisā
maiñ ajal kī amaañ meñ rahtā huuñ

maiñ bagūloñ ke darmiyāñ 'shāhid'
dasht-e-asr-e-ravāñ meñ rahtā huuñ

fikr-e-sud-o-ziyan mein rahta hun
main bhi is KHak-dan mein rahta hun

nilgun aasman ke niche
KHema-e-jism-o-jaan mein rahta hun

main hun aazad kab zamane mein
qaid-e-wahm-o-guman mein rahta hun

main mohabbat ki raushni ban kar
waqt ki kahkashan mein rahta hun

main bahaaron ke rang mein Dhal kar
manzar-e-bostan mein rahta hun

jaane kya baat hai ki main tanha
mahfil-e-dostan mein rahta hun

apne buDhe wajud ke andar
ek shikasta makan mein rahta hun

fikr-e-itlaf-e-zindagi kaisa
main ajal ki aman mein rahta hun

main bagulon ke darmiyan 'shahid'
dasht-e-asr-e-rawan mein rahta hun


Leave a comment

+