Warning: session_start(): open(/tmp/sess_bcclh4an6f4fdloacncd6hqmk6, O_RDWR) failed: No space left on device (28) in /razi/eraazi/darbari/chunmun/index.php on line 15
koi us zalim ko samjhata nahin

Subscribe to our newsletter and get our newest updates

Nadir Shahjahanpuri

  • Ghazal


koi us zalim ko samjhata nahin


koī us zālim ko samjhātā nahīñ
vo sitam karne se baaz aatā nahīñ

dasht-e-ġham meñ kab mirā naqsh-e-qadam
har qadam pe aañkh dikhlātā nahīñ

dard-e-furqat se zabāñ dāñtoñ meñ hai
kyā kahūñ kuchh bhī kahā jaatā nahīñ

chashm-e-dil se dekh use tū dekh le
chashm-e-zāhir se nazar aatā nahīñ

sabr-e-shauq-e-vasl-e-jānāñ kyā karūñ
par lagā kar bhī uḌā jaatā nahīñ

kab ḳhayāl-e-zulf meñ har raat ko
dil pe mere saañp lahrātā nahīñ

gul se nisbat kiyā tire ruḳhsār ko
ye to vo gul hai jo kumhlātā nahīñ

dard-e-furqat se hai ab hoñToñ pe dam
phir bhī zālim ko taras aatā nahīñ

jaan lī hai jalva-e-ruḳhsār ne
qabr kī zulmat se ghabrātā nahīñ

husn kī ḳhuddāriyāñ to dekhiye
be-ḳhudī meñ bhī vo haath aatā nahīñ

vo nahīñ aate to nādir kyā galā
hosh jab do do dopahar aatā nahīñ

koi us zalim ko samjhata nahin
wo sitam karne se baz aata nahin

dasht-e-gham mein kab mera naqsh-e-qadam
har qadam pe aankh dikhlata nahin

dard-e-furqat se zaban danton mein hai
kya kahun kuchh bhi kaha jata nahin

chashm-e-dil se dekh use tu dekh le
chashm-e-zahir se nazar aata nahin

sabr-e-shauq-e-wasl-e-jaanan kya karun
par laga kar bhi uDa jata nahin

kab KHayal-e-zulf mein har raat ko
dil pe mere sanp lahraata nahin

gul se nisbat kiya tere ruKHsar ko
ye to wo gul hai jo kumhlata nahin

dard-e-furqat se hai ab honTon pe dam
phir bhi zalim ko taras aata nahin

jaan li hai jalwa-e-ruKHsar ne
qabr ki zulmat se ghabraata nahin

husn ki KHuddariyan to dekhiye
be-KHudi mein bhi wo hath aata nahin

wo nahin aate to nadir kya gala
hosh jab do do dopahar aata nahin


Source: Book : Deewan-e-Nadir (Pg. 169) Author : Abul Khayal Nadir Shahjahanpuri Publication : Jasper Paul John Robert paul memorial Society Jhansi U.P (2015) Edition : 2015

Leave a comment

+