Subscribe to our newsletter and get our newest updates

Madan Mohan Danish

  • Ghazal


de sako to zindagani do mujhe


de sako to zindagānī do mujhe
lafz to maiñ huuñ ma.ānī do mujhe

kho na jaa.e mujh meñ ik bachcha hai jo
yuuñ karo koī kahānī do mujhe

ham-zabāñ merā yahāñ koī nahīñ
laao apnī be-zabānī do mujhe

hai havā darkār merī aag ko
kab kahā us ne ki paanī do mujhe

ek manzil ne to 'dānish' ye kahā
rāstoñ kī kuchh nishānī do mujhe

de sako to zindagani do mujhe
lafz to main hun maani do mujhe

kho na jae mujh mein ek bachcha hai jo
yun karo koi kahani do mujhe

ham-zaban mera yahan koi nahin
lao apni be-zabani do mujhe

hai hawa darkar meri aag ko
kab kaha us ne ki pani do mujhe

ek manzil ne to 'danish' ye kaha
raston ki kuchh nishani do mujhe


Leave a comment

+