Subscribe to our newsletter and get our newest updates

Gauhar Hoshiyarpuri

  • Ghazal


marhala tai koi be-minnat-e-jada bhi to ho


marhala tai koī be-minnat-e-jāda bhī to ho
ġham baḌhe bhī to sahī dard ziyāda bhī to ho

aisī mushkil to nahīñ dasht-e-vafā kī tasḳhīr
sar meñ saudā bhī to ho dil meñ irāda bhī to ho

zehn kā mashvara-e-tark-e-talab bhī bar-haq
zehn kī baat qubūl-e-dil-e-sāda bhī to ho

kahīñ bādal kahīñ sūraj kahīñ saaya kahīñ dhuup
mire ma.abūd tirā koī labāda bhī to ho

pyaar meñ kam to nahīñ kam-nigahī bhī us kī
haañ tunak-zarfī-e-ehsās kushāda bhī to ho

āshiqī sarmad-o-mansūr se kuchh ḳhaas nahīñ
mast lekin koī be-zahmat-e-bāda bhī to ho

zarf-e-īzā-talabī ġham bhī parakh leñ 'gauhar'
us se ik roz na milne kā irāda bhī to ho

marhala tai koi be-minnat-e-jada bhi to ho
gham baDhe bhi to sahi dard ziyaada bhi to ho

aisi mushkil to nahin dasht-e-wafa ki tasKHir
sar mein sauda bhi to ho dil mein irada bhi to ho

zehn ka mashwara-e-tark-e-talab bhi bar-haq
zehn ki baat qubul-e-dil-e-sada bhi to ho

kahin baadal kahin suraj kahin saya kahin dhup
mere mabud tera koi labaada bhi to ho

pyar mein kam to nahin kam-nigahi bhi us ki
han tunak-zarfi-e-ehsas kushada bhi to ho

aashiqi sarmad-o-mansur se kuchh KHas nahin
mast lekin koi be-zahmat-e-baada bhi to ho

zarf-e-iza-talabi gham bhi parakh len 'gauhar'
us se ek roz na milne ka irada bhi to ho


Source: Funoon(Jadeed Ghazal Number: Volume-002)

Leave a comment

+