Subscribe to our newsletter and get our newest updates

Yashab Tamanna

  • Ghazal


wo jo ek chehra damak raha hai jamal se


vo jo ek chehra damak rahā hai jamāl se
use mil rahī hai ḳhushī kisī ke ḳhayāl se

maiñ ne sirf ek hī dā.ere meñ safar kiyā
kabhī be-niyāz bhī kar mujhe mah-o-sāl se

kabhī hañs ke ḳhud hī gale se us ko lagā liyā
kabhī ro diye haiñ lipaT ke ḳhud hī malāl se

tujhe kyā ḳhabar ki vo kaun hai sar-e-rahguzar
kabhī sarsarī na guzar kisī ke savāl se

vo jo muskurā ke guzar rahā hai qarīb se
use āshnā.ī zarūr hai mere haal se

mujhe aasrā bhī nahīñ kisī kī duāoñ kā
mujhe ḳhauf aatā hai yuuñ bhī vaqt-e-zavāl se

'yashab' apne aap se mil ke kitnā bhalā lagā
mujhe fursateñ hī nahīñ milīñ ka.ī saal se

wo jo ek chehra damak raha hai jamal se
use mil rahi hai KHushi kisi ke KHayal se

main ne sirf ek hi daere mein safar kiya
kabhi be-niyaz bhi kar mujhe mah-o-sal se

kabhi hans ke KHud hi gale se us ko laga liya
kabhi ro diye hain lipaT ke KHud hi malal se

tujhe kya KHabar ki wo kaun hai sar-e-rahguzar
kabhi sarsari na guzar kisi ke sawal se

wo jo muskura ke guzar raha hai qarib se
use aashnai zarur hai mere haal se

mujhe aasra bhi nahin kisi ki duaon ka
mujhe KHauf aata hai yun bhi waqt-e-zawal se

'yashab' apne aap se mil ke kitna bhala laga
mujhe fursaten hi nahin milin kai sal se


Source: Book : Pakistani Adab (Pg. 721) Author : Dr. Rashid Amjad Publication : Pakistan Academy of Letters, Islambad, Pakistan (2009) Edition : 2009

Leave a comment

+