gul-afshānī ke dam bhartī hai chashm-e-ḳhūñ-fishāñ kyā kyā
hamāre zeb-e-dāman hai bahār-e-gulsitāñ kyā kyā

kashūd-e-matlab-e-āshiq ke haiñ lab par gumāñ kyā kyā
adā-e-ḳhāmushī meñ bhar diyā rañg-e-bayāñ kyā kyā

faqat ik sādgī par shoḳhiyoñ ke haiñ gumāñ kyā kyā
nigāh-e-sharmagīñ se hai nihāñ kyā kyā ayaañ kyā kyā

dil-e-ḳhūñ-gashta-e-hasrat ne kyā kuchh gul khilā.e haiñ
bahār-āgīñ hai kuchh ab kī baras fasl-e-ḳhizāñ kyā kiyā

junūñ se kam nahīñ hai kuchh hujūm-e-shādmānī bhī
havā-e-gul meñ hai jaame se bāhar bāġhbāñ kyā kyā

tasavvur meñ visāl-e-yār ke sāmān hote haiñ
hameñ bhī yaad haiñ hasrat kī bazm-ārā.iyāñ kyā kyā

chalī aatī hai itrā.ī huī kuchh kū-e-jānāñ se
basī hai rashk kī bū meñ nasīm-e-bostāñ kyā kyā

qadam rakhte nahīñ haiñ vo zamīñ par be-niyāzī se
baḌhā jaatā hai yaañ shauq-e-sujūd-e-āstāñ kyā kyā

'zahīr'-e-ḳhasta-jāñ sach hai mohabbat kuchh burī shai hai
majāzī meñ haqīqī ke hue haiñ imtihāñ kyā kyā

gul-afshani ke dam bharti hai chashm-e-KHun-fishan kya kya
hamare zeb-e-daman hai bahaar-e-gulsitan kya kya

kashud-e-matlab-e-ashiq ke hain lab par guman kya kya
ada-e-KHamushi mein bhar diya rang-e-bayan kya kya

faqat ek sadgi par shoKHiyon ke hain guman kya kya
nigah-e-sharmagin se hai nihan kya kya ayan kya kya

dil-e-KHun-gashta-e-hasrat ne kya kuchh gul khilae hain
bahaar-agin hai kuchh ab ki baras fasl-e-KHizan kya kiya

junun se kam nahin hai kuchh hujum-e-shadmani bhi
hawa-e-gul mein hai jame se bahar baghban kya kya

tasawwur mein visal-e-yar ke saman hote hain
hamein bhi yaad hain hasrat ki bazm-araiyan kya kya

chali aati hai itrai hui kuchh ku-e-jaanan se
basi hai rashk ki bu mein nasim-e-bostan kya kya

qadam rakhte nahin hain wo zamin par be-niyazi se
baDha jata hai yan shauq-e-sujud-e-astan kya kya

'zahir'-e-KHasta-jaan sach hai mohabbat kuchh buri shai hai
majazi mein haqiqi ke hue hain imtihan kya kya

Source: Book : Intekhab-e-Sukhan(Jild-2) (Pg. 195) Author : Hasrat Mohani Publication : uttar pradesh urdu academy (1983) Edition : 1983